DÜNYA

Çempionlar ligasynyň 1/8 finalçylary belli

Tamamlanyp barýan hepdäniň sişenbe we çarşenbe günleri geçirilen altynjy tapgyryň duşuşyklary bilen Ýewropanyň Çempionlar ligasynyň toparçalaýyn tapgyry tamamlandy. Şeýlelikde, Ýewropanyň birinji derejeli klublaýyn çempionatynda 1/8 finala çykan toparlar mälim boldy.

1/8 final duşuşyklary barada ünsüňizi çekmek isleýän esasy aýratynlygymyz oňa çykan toparlaryň ählisiniň Ýewropanyň öňdebaryjy bäş ligasyna wekilçilik edýän toparlar bolmagydyr. Bu netijeler olara näme üçin «TOP 5-lik»
diýilýänlidigini ýene bir gezek subut etdi.

Has takygy, çempionatyň soňky 16 toparynyň arasynda Angliýadan we Ispaniýadan dört, Italiýa bilen Germaniýadan üç, Fransiýadan bolsa iki topar bar. Eýsem, biz Ýewropanyň Çempionlar ligasynyň 1/8 finalynda haýsy toparlaryň duşuşyklaryna tomaşa ederis. Geliň, içgin tanyş bolalyň:

Angliýa: «Tottenhem», «Mançester Siti», «Liwerpul», «Çelsi»;

Ispaniýa: «Real», «Barselona», «Atletiko», «Walensiýa»;

Italiýa: «Ýuwentus», «Napoli», «Atalanta»;

Germaniýa: «Bawariýa»m «Borussiýa» (Dortmund), «Leýpsig».

Fransiýa: PSŽ, «Lion».

1/8 finalyň ilkinji duşuşyklary 2020-nji ýylyň fewral aýynda geçiriler.

 

Agageldi ITALMAZOW

Related posts

“2018 Yılı – Türkmenistan Büyük İpek Yolunun Kalbidir” Yılı ilan edildi

vepa

Türkmenistan EİT Meclis Başkanları konferansına katıldı

Türkmen Lider, Çin-Orta Asya Zirvesi’ne katıldı

Ata Watan Eserleri