GENEL

Ahal welaýatyň häkiminiň London şäherine iş sapary

2019-njy ýylyň 30-njy sentýabrynda Türkmenistanyň Oba hojalygy we daşky gurşawy goramak ministriniň we Ahal welaýatyň häkiminiň ýolbaşçylygyndaky Türkmenistanyň wekiliýeti Beýik Britaniýanyň we Demirgazyk Irlandiýanyň birleşen Patyşalygynyň paýtagty – London şäherine iş sapary bilen bardylar.

Saparyň birinji gününde türkmen wekiliýetiniň Beýik Britaniýanyň Premýer-ministriniň Türkmenistan boýunça Ýörite söwda wekili Baronessa Emma Nikolson bilen duşuşygy hem-de Beýik Britaniýanyň Daşky gurşaw, azyk harytlary we oba hojalygy minsitrliginde duşuşyklar geçirildi.

Duşuşyklaryň dowamynda taraplar türkmen-britan gatnaşyklarynyň dostlukly häsiýetini we dürli ugurlar boýunça hyzmatdaşlygy giňeltmegiň mümkinçiliklerini kanagatlanma bilen bellediler.

Türkmen-britan gatnaşyklarynyň mundan beýläk hem berkidilmegine uly gyzyklanma bildirip, taraplar wajyp meseleleriň birnäçesini, şol sanda, oba hojalykda sanly ulgamy peýdalanmak boýunça, işiň öndürijiligini ýokarlandyrmak, iki ýurduň oba hojalyk boýunça okuw jaýlarynyň arasynda tejribe we ylmy barlaglary alyşmak babatda meseleleri ara alyp maslahatlaşdylar.

2019-njy ýylyň 1-nji oktýabrynda Türkmenistanyň wekiliýeti Demirgazyk Irlandiýanyň birnäçe ylmy-barlag merkezlerine baryp gördi.

Günüň birinji ýarymynda Türkmenistanyň wekiliýeti Oba hojalygy we telekeçilik boýunça kolleje bardy we onuň direktory bilen duşuşdy. Ol ýerde türkmen wekilleri kollejiň barlag we okuw desgalary hem-de olaryň alyp barýan işleri bilen tanyşdylar

Günüň ikinji ýarymynda türkmen wekiliýeti “Mowanager” balyk hojalygyna bardy we bu hojalygyň ýolbaşçysy bilen duşuşdy. Tanyşdyrylyşyň dowamynda türkmen wekiliýeti bu balyk hojalygynyň işi bilen tanyşdyryldy.

Mundan başga-da, wekiliýetiň iş saparynyň meýilnamasyna Oba iýmit senagaty we biologiki ylymlary instituty we Global azyk haryt howpsuzlygy instituty bilen tanyşmaklyk hem girizilendir.

Ýene-de okaň

Aşkabat’ta, Türkmenistan’ın özel sektörünün başarısına adanan fuar açıldı

Türkmenistan Dışişleri Bakanı’nın Katar ziyareti

Aşkabat’ta ilk kez düzenlenecek Uluslararası Moda gösterisi Fashion TV’de yayınlanacak

“Bäherden” Seramik Ürünler Fabrikası Açıldı

AB Komiseri Jozef Sikela: Türkmenistan ile ortaklık güçlendiriliyor

Aşkabat’ta, Türkmenistan’da Uluslararası İngiliz Üniversitesi’nin kurulması görüşüldü