GENERAL

Täze ýyl konsertine 50 million adam tomaşa etdi

Onuň adyna Kristian Zielman diýýärler. Nemes driŽýor ýakynda Wena şäheriniň uly konsert merkezinde geçirilen baýramçylyk şowhunyna ýolbaşçylyk etdi. «Wiener Musikverein» diýlip atlandyrylýan bu merkez, aslynda, dünýäniň iň gowy konsert merkezleriniň biri. Bu ýerde indi 1939-njy ýyldan bäri Täze ýyl mynasybetli dabaraly konserti geçirmek däbe öwrülipdir. Göz öňünde tutulýan konsert asla kiçi-girim däl. Oňa şu ýyl 90 teleýaýlym arkaly 50 million adam tomaşa etdi.

Ilkinji gezek şeýle uly konserte ýolbaşçylyk edip görýän nemes driŽýor Wenanyň Filarmoniýa orkestri bilen tutuş bir ýyllap taýýarlyk gördi. Netijede bolsa, konsert hemmeleriň söýgüsini gazandy. Jadylaýjy aýdym-saz tomaşasynyň özüne-de köp zatlary bagyşlandygyny aýdan driŽýor pikirlerini, ine, şu sözler bilen paýlaşdy:

― Täsin, bütin durky bilen jada beslenen pursat. Boýun alýan, özüm ýolbaşçysy bolsam hem, men bu konsertden köp zat öwrendim. Konsertiň dowamynda diňe bir sazandalar driŽýora gulak asmaly däl-de, driŽýor hem olaryň diňlemegi başarmaly. Onda-da Wenanyň Filarmoniýa orkestri bilen işleýän bolsaň, üstüňe has uly borç düşýär.

Bu ýerdäki Täze ýyl konsertlerinde belli nemes kompozitory Ýohan Strausyň eserleri bilen birlikde döwrebap sazlary hem çalmak däbe öwrülipdir. Ýöne, näme üýtgeşme bolsa-da, indi 80 ýyl bäri yzygiderli geçirilip gelýän konsertleriň biri hem Strausyň «Die Tänzerin» («Tansçy») eseri çalynmazdan geçenok. Bu eser bu konsertleriň senasyna öwrülip gidipdir.

Ýene-de okaň

Telephone conversation between the Ministers of Foreign Affairs of Turkmenistan and the Republic of Niger

The Foreign Ministers of Turkmenistan and Burkina Faso discussed bilateral cooperation

Russia and Turkmenistan Strengthen Dialogue on International Road Transport

Daewoo E&C Chairman’s Visit to Turkmenistan Strengthens Strategic Ties

President of Turkmenistan Receives Newly Appointed Ambassador of Pakistan

A telephone conversation of the foreign ministries of Turkmenistan and Zambia