Garaş maña!
Gelerin men dolanyp,
Garaş maña, elleriñe gül alyp.
Asyl-ha sen garaşmakdan ýadama,
Söýgi bir gez berilýändir adama.
Wagtyñ gar-ýagmyry geçsin sowulyp,
Epgekler, ýalynlar bilmez gowuryp.
Söýgiñi täç edip göter belende
Begeneýin alyslardan göremde.
Şonda ak guş deýin gelerin uçup,
Çekinmän illere syrymy açyp.
Altyn reñk söýgimi daşyña dolap,
Dolan Aý deñinden märekä garap,
Bagt hakda joşup aýdym aýdaryn,
Eliñ tutup zemin sary gaýdaryn.
Garaş maña!
Jahantäç Öwezowa
Bäsleşik barada giňişleýin maglumat üçin
Awtorlar Ýeňijini Kesgitleýär :”Ata Watan Eserleri” bäsleşigi
https://www.atavatan-turkmenistan.com/tu/news_details.php?news_id=NDM3Mw==
“ Ata Watan Eserleri” döredijilik bäsleşigi : RedMi 7A Size garaşýar!
https://www.atavatan-turkmenistan.com/tk/news_details.php?news_id=NDIyMw==