53 ýaşly amerikaly geolog we maýadar Wiktor Weskowonyň ýolbaşçylygyndaky «Five Deeps» gözleg topary dünýäniň iň çuň nokadynda ― Mariana çöketliginde geçiren gözleg-barlag işleriniň dowamynda täsin tapyndynyň üstünden bardy.
Dünýä metbugatynda ýazylyşy ýaly, 13-nji maýda Weskowonyň ýolbaşçylygyndaky toparyň «DSV Limiting Factor» suwasty barlag enjamy 10 müň 928 metrlik çuňlukda gözleg işlerini geçirdi. Ýeri gelende aýtsak, bu çuňluk hem rekord derejededir. Mundan ozal 1960-njy ýylda Don Uolş bilen Žak Pikaryň ýolbaşçylygyndaky «Triest» atly topar 10 müň 912 metr çuňluga ýeten eken. Täze rekordyň gyzykly tarapy, ozalky rekordyň şärikdeşleriniň biri Uolş hem Weskowonyň toparynda bardy.
Topar öz işlerini Mariana çöketliginiň «Çellenjer» diýlip atlandyrylýan çuňlugynda alyp bardy. Bu ýerden ýerasty «Diskaweri» kanaly hem geçýär. Çuňlugyň düýbüne bäş gezek baryp gaýdan topar dünýäniň düýbünden birnäçe plastik gap we süýji kagyzlaryny tapdy. Tapyndylar alymlar tarapyndan gözden geçirildi. Başga bir tarapdan bolsa, adamyň ekologiýa edýän täsiriniň dünýäniň iň çuň ýerine çenli baryp ýetýändigi gynandyryjydyr.