Angliýanyň futbol boýunça milli çempionatynda (“Premier Liga”) “Liwerpul” topary kerweniň başyny çekip gelýär. Onuň esasy bäsdeşi “Mançester Siti” topary bilen arasyndaky tapawut 22 bala ýetdi.
30 ýyldan bäri çempion bolmagy arzuw edip gelýän “Liwerpul” topary mart aýynda çempion bolup, “Premier Ligada” täze üstünligiň hötdesinden gelmek mümkinçiligine eýedir. Geçen hepde “Southampton” toparyny 4:0 hasap bilen ýeňen “Liwerpul” çempionatdaky bassyr 16-njy ýeňşini baýram etdi. Germaniýaly ökde tälimçi Ýurgen Kloppyň tälim berýän bu topary “Mançester Siti” toparynyň “Tottenhem” toparyndan ýeňilmegi bilen arasyndaky aratapawudy 22 bala ýetirdi. Häzirki wagtda “Liwerpul” topary 25 hepdäniň ahyrynda 24 duşuşykda ýeňiş gazanyp, bir duşuşyk hem deňme-deň tamamlandy. şeýlelikde “Liwerpul” ýeňilmän gelýän toparyň biridir.
“Liwerpul” toparynyň 25-nji tapgyrdan soň gazanan baly 73-ä deňdir, “Mançester Siti” toparynyň baly bolsa 51-dir.
ÇEMPIONLYK ÜÇIN 6 ÝE√Ö‚İIş GEREK
“Liwerpul” pellehana golaýlady. Mundan soňra topar 6 duşuşykda ýeňiş gazanan halatynda ýa-da 18 bal jemlän ýagdaýynda çempion bolar. “Liwerpul” topary çempionatda galan 13 duşuşykda hem 18 bal jemlän ýagdaýynda-da çempion bolup bilýär.
“Liwerpul” topary yzly-yzyna 6 duşuşykda ýeňiş gazananda, “Premier Liga”-da iň ir çempionlygyny yglan eden topar bolup, bu rekordyň eýesi bolar. Mundan ozal, “Mançester Ýunaýted” topary 2001-nji ýylyň 14-nji aprelinde çempionatyň tamamlanmagyna 5 hepde galanda çempionlygyny yglan edipdi.
“Liwerpul”-yň bu rekordyna “Manseçter Siti” topary hem öz goşandyny goşmagy mümkin. Sebäbi Hosep Gwardiolanyň toparyna öňümizdäki 6 hepdede “Mançester Ýunaýted” we “Çelsi” ýaly toparlar bilen duşuşyklary bar. Bu oýunlarda “Mançester Siti” bal ýitiren halatynda “Liwerpul”-yň işi ýeňilleşýär.
Çempionat 17-nji maýda tamamlanýar.
“Liwerpul”-yň öňümizdäki 6 hepdedäki duşuşyklary:
15.02.2020 “Norwiç Siti” – “Liwerpul”.
24.02.2020 “Liwerpul” – “West Ham”.
29.02.2020 “Uotford” – “Liwerpul”.
07.03.2020 “Liwerpul” – “Bornmut”.
14.03.2020 “Ewerton” – “Liwerpul”.
21.03.2020 “Liwerpul” – “Kristal Palas”.
04.04.2020 “Mançester Siti” – “Liwerpul”.