“Super bowl”, ýagny amerikan futbolynyň 2020-nji ýyldaky çempionlyk duşuşygy geçirildi. şu ýylyň 3-nji fewralyndan geçirilen duşuşykda “Kansas City Chiefs” topary bilen “San Francisco 49ers” topary bäsleşdi.
54-nji gezek geçirilýän bu duşuşykda “Kansas City Chiefs” topary 50 ýyldan soňra ýeňiji boldy. ABş-nyň Florida ştatynyň Miami şäheriniň 65 müň tomaşaly “Hard Rock” stadionynda geçirilen duşuşykda “Kansas City Chiefs” topary garşydaşy San Francisco 49ers” toparyny 31-20 hasap bilen ýeňmegi başardy.
Duşuşygyň arakesmesinde Latyn Amerika yklymynyň dünýä belli aýdymçylary Jennifer Lopez hem-de şakira özleriniň gowy görülýän aýdymlary bilen futbol duşuşygyny tomaşa etmäge gelen janköýerlerde ýatdan çykmajak duýgulary döretdiler. şakira we Jennifer Lopez ilkinji gezek bu duşuşykda çykyş etdiler. şakira “She Wolf” we Jennifer Lopez bolsa “Jenny from the Block” aýdymlary bilen duşuşygyň şowhunyny belende galdyrdylar.
Ýene bir belläp geçmeli zat bolsa, şol ýaryşa Beýik Watançylyk urşuna gatnaşan 4 sany 100 ýaşan ýaşuly gatlagyň wekilleriniň hem tomaşaçy hökmünde gatnaşandygyny bellemek gerek.
YKDYSADY TAÝDAN BÄHBITLI ÝARYş
Bu ýaryş ykdysady taýdan hem girdejiligi bilen tapawutlanýar. “Super Bowl” ýaryşynyň göni ýaýlymy üçin 30 sekuntlyk mahabatyň bahasy 5,6 million dollara deň boldy. 60 sekuntlyk mahabat üçin 10 million dollar berildi. Bu ýaryşyň dowamynda adam başyna 69 dollar sarp edildi.
ABş-nyň Prezidenti Donald Tramp hem futbol duşuşygyna mahabat berdi. 60 sekuntlyk mahabatda ýurdy has-da ösdürmek babatda pikirler beýan edildi we 10 million dollar harçlandy.
Bu futbol duşuşygy 193 milliondan gowrak adam tarapyndan tomaşa edildi we ABş-nyň ykdysadyýetine goşandy 17 milliard dollar hökmünde çaklanyldy. Duşuşyň petekleriniň bahasy bolsa ortaça 8 müň dollara deňdir.