Agyr atletika ugry boýunça tejribeli türgenimiz Ýulduz Jumabaýewa Belarus Respublikasynda badalga alan GDA-nyň oýunlarynda kümüş medala eýe bolup, bu oýunlarda medal gazanan ilkinji türkmenistanly türgen boldy.
Türkmen türgeni Ýulduz Jumabaýewa 49 kilogram agramda çykyş edip, kümüş medalyň eýesi boldy. 2018-nji ýylda dünýä çempionynyň çempiony we ýaşlar arasynda Aziýa çempionatynyň ýeňijisi Ýulduz Jumabaýewa görkezen 161 kg (71+90) netijesi bilen Russiýanyň türgeni Ýelizaweta Žatkinden soňra ikinji orunda galdy.
Türkmenistanyň ýygyndysy bu ýaryşa 110 wekiliýet bilen gatnaşyp, sportuň 13 görnüşi, ýagny – boks, taý boksy, karate, dzýudo, sambo, grek-rim göreşi, erkin göreş, ýeňil we agyr atletika, basketbol 3х3 (erkekler), ýaýda ok atmak ýaly ugurlarda medally orunlar üçin bäsleşýärler.
Düýn, ýagny 4-nji awgustda Garaşsyz Döwletleriň Arkalaşygyna girýän döwletleriň türgenleriniň gatnaşýan GDA-nyň II oýunlarynyň resmi açylyş dabarasy geçirildi. Oňa Belarus Respublikasynyň Prezidenti Aleksandr Lukaşenko gatnaşdy.