Sekiz gezek olimpiýa çempiony bolan ýamaýkaly Usain Bolt 2027-nji ýylda Serbiýada geçiriljek “EKSPO-2027” bütindünýä sergisiniň mahabatçylarynyň biri boldy. Ýamaýkaly türgen Serbiýanyň paýtagty Belgrad şäherinde ýurduň Prezidenti Aleksandar Wuçiç bilen bilen duşuşdy.
– Serbiýada dünýä belli türgen bilen duşuşmakdan şatdyryn. Ol 100 metr aralyga ylgamakda rekordçy türgendir. Ol bu ugurda dünýäniň iň çalt ylgaýan adamy. Biz “EKSPO” sergisini gurnamak üçin taýýarlyk görýäris. Onuň dünýäniň iň uly çäresi bolar diýip umyt edýäris. Häzirki wagtda dünýäniň 115 döwleti sergä gatnaşmaga isleg bildirdi. Şonuň üçin onuň habardarlygyny artdyrmak isleýäris – diýip, Prezident Wuçiç aýtdy.
Ýamaýkaly türgen “EKSPO” sergisiniň ilçisi hökmünde saýlanyp alnandygyna örän şatdygyny belläp, tutuş dünýä “EKSPO” sergisini tanyşdyrmak mümkinçiligi döredilendigi üçin hem minnetdardygyny belläp geçdi.
38 ýaşyndaky Bolt 100 hem-de 200 metr aralyk boýunça ylgamakda yzly-yzyna 3 sany Olimpiýa oýunlarynda (Pekin-2008, London-2012 we Rio-2016) Olimpiýa çempiony bolan ýeke-täk türgendir.
Şeýle hem ol sekiz gezek Olimpiýa çempiony hem-de köp gezek dünýä çempiony boldy. 2017-nji ýylda professional karýerasyny tamamlan Usain Bolt 100 metre ylgamakda 9,58-lik görkeziji bilen dünýä rekordynyň eýesidir.