Türkmenistanyň Prezidenti Serdar Berdimuhamedow ýurdumyzyň nebitgaz pudagynyň öňünde goýlan wezipeleri üstünlikli durmşa geçirmek hem-de Hazar deňziniň türkmen böleginde ýerleşýän ygtyýarlandyrylan toplumlaryny “Uglewodorod serişdeleri hakynda” Türkmenistanyň Kanuny esasynda netijeli özleşdirmek maksay bilen degişli Karara gol çekdi.
“Watan” habarlar gepleşiginde bellenilip geçilişi ýaly, “Türkmennebit” döwlet konsernine Malaýziýanyň “Petronas Çarigali Sdn Bhd” kompaniýasynyň hem-de konserniň “Hazarnebit” döwlet kärhanasynyň arasynda Hazar deňziniň türkmen böleginde ýerleşýän ygtyýarlandyrylan toplumlary özleşdirmek boýunça şertnamany baglaşmaga ygtyýar berildi.