Türkmenistanyň Döwlet medeniýet merkeziniň Mukamlar köşgünde Azerbaýjan Respublikasynyň Türkmenistandaky ilçihanasynyň Türkmenistanyň Medeniýet ministrligi bilen bilelikde guramagynda azerbaýjan halkynyň umumymilli lideri Geýder Aliýewiň doglan gününiň 100 ýyllygy mynasybetli «Geýder Aliýew — Türkmenistanyň we Azerbaýjanyň doganlygy» atly konsert geçiriler. Bu barada Medeniýet ministrliginiň saýtynda habar berilýär.
Konsert şu ýylyň 28-nji noýabrynda geçiriler.
Konsert başlamazyndan ozal Mukamlar köşgüniň foýesinde Geýdar Aliýewiň durmuşyny hem-de durmuşa geçiren işlerini, şeýle hem Azerbaýjanyň we Türkmenistanyň arasyndaky diplomatik gatnaşyklaryň ähmiýetini açyp görkezýän fotosuratlaryň sergisi guralar.
Azerbaýjanyň «Mugam» ansamblynyň hem-de Türkmenistanyň simfoniki orkestriniň bilelikde gatnaşmagynda guraljak konsertde sazandalar Azerbaýjanyň halk aýdymlaryny hem-de kompozitorlaryň döreden tanymal eserlerini ýerine ýetirerler.
Konsert 19:00-da başlanar. Giriş tölegsiz.