Hytaý Halk Respublikasynyň Döwlet Geňeşiniň Premýeri Li Sýan 17–18-nji oktýabrda resmi sapar bilen Özbegistana barar. Soňra ol Täjigistana we Russiýa sapar edip, köptaraplaýyn hem-de ikitaraplaýyn duşuşyklara gatnaşar. Bu barada HHR-iň Daşary işler ministrliginiň resmi wekiline salgylanyp, «Sinhua» habarlar agentligi habar berdi.
Özbegistana sapar ýurduň Premýer-ministri Abdulla Aripowyň çakylygy boýunça amala aşyrylar.
Li Sýan 18–20-nji oktýabr aralygynda Täjigistanyň Premýer-ministri Kohir Rasulzodanyň çakylygy boýunça Täjigistanda bolar. Ol ýerde Hytaýyň hökümet baştutany Şanhaý Hyzmatdaşlyk Guramasyna (ŞHG) agza döwletleriň hökümet baştutanlarynyň Geňeşiniň 25-nji mejlisine gatnaşar.
HHR-iň Döwlet Geňeşiniň Premýeri 20–22-nji oktýabr aralygynda Russiýanyň hökümetiniň başlygy Mihail Mişustiniň çakylygy boýunça Russiýa sapar eder. Saparyň esasy çäresi Hytaýyň we Russiýanyň hökümet baştutanlarynyň 31-nji yzygiderli duşuşygy bolar.