Indoneziýanyň Prezidenti Joko Widodo 10-njy sentýabrdan öz wezipe borçlaryny ýurduň täze paýtagty Nusantaradan alyp barar. Bu barada ýurduň neşirleri habar berýär.
Täze paýtagtda “Garuda” köşgi taýýar edildi. Şonuň üçin Prezident Widodo bu ýerde iş alyp baryp, özüniň wezipe borçlaryny soňra ýurduň täze saýlanan Prezidentine tabşyrar.
Prezidentiň metbugat sekretary Hasan Nasbiniň bellemegine görä, täze paýtagt Prezidenti Joko Widodonyň başlangyjy bilen amala aşyrylýan taslamadyr.
Widodo paýtagty göçürmek teklibini 2019-njy ýylda öňe sürüpdi. Ilkbaşda. Kalimantan adasynda täze paýtagty döretmek göz öňünde tutulypdy. Ýöne pandemiýa bilen bu taslama ýatyryldy. Soňra Widodo 2022-nji ýylda Nusantarany täze paýtagt hökmünde yglan etdi.
Ýurduň täze saýlanan Prezidenti Prabowo Subianto hem Nusantaranyň gurluşygyny tamamlap, bu şähere göçmäge taýýardygyny belledi.