Amerikanyň “Boeing” kompaniýasy “Boeing 777x” kysymly uçarynyň täze nusgasyny – ýagny, dünýäde iň uzyn laýneri öndürdi. Täze uçaryň uzynlygy ozalky rekordyň eýesi bolan “Boeing 747-8” nusgasyny hem yzda galdyrýar.
Täze laýneriň uzynlygy 77 metre ýetýär. Ganatlarynyň uzynlygy bolsa onuň boýundan bary-ýogy 5 metr gysga (72 metr). Şu baharda täze laýneriň synag uçuşyny amala aşyrmak meýilleşdirilýär. “Boeing” bu uçarlar üçin eýýäm birnäçe ýerden sargyt hem aldy.
CNN-iň ýazmagyna görä, bu ägirt uçar Ewerett şäherindäki (Waşington ştaty) uçar zawodynda ýapyk ýerde gurnaldy.