GENEL

Söýmäge geldim

Inçelen umytlam tutunyp hemdem,

Kalbymyň sesini diňle sen bir dem,

Ýakynlaşýanmy ýa daşlaşýan senden?!

Söýgi sowallaryn bermäge geldim.

 

Derde goýan dideleriň zary men,

Ýürek gysýar ýalňyz galan ýaly men,

Dolan dünýäm ykbalyma many sen,

Görkümi gözleňde görmäge geldim.

 

Ykbalym arzuwlar bagta duşmagy,

Syrly bakyşlarda söýgiň buşlugy,

Dünýe berip dolap bolmaz ýaşlygy,

Gaýgynyň ody men sönmäge geldim.

 

Ýüregimiň ýary sende galypdyr,

Yşgym ömrüň sepgidinden agypdyr,

Ykbal sabryň böwedini ýarypdyr,

Mähre maýyl bolup söýmäge geldim.

 

Bagt barmydyr ataş ýollan gözleňde,

Ylham gördüm söýgi siňen sözleňde,

Janym, meni gussalara dözseňde,

Bakyşlaň bakylyk diýmäge geldim.

Aýjemal GAÝLYÝEWA

 

Ýene-de okaň

Aşkabat’ta Türkiye Cumhuriyeti’nin 102. yılı kutlandı

“Ata Watan Media” reklam İşbirliğini genişletiyor

Türkmenistan İçişleri Bakanı EİT İçişleri Bakanlarının Dördüncü Toplantısına katıldı

Türkmenistan Cumhurbaşkanı Cumhurbaşkanı Erdoğan’ı tebrik etti

Türkmenistan Devlet Başkanı, Orta Asya-ABD Zirvesi’ne katılacak

Donald Trump Türkmenistan Devlet Başkanı’nı, Washington’daki Zirveye davet etti