Çeçenistan Respublikasynyň ýolbaşçysy Ramzin Kadyrowyň üçünji ogly, 11 ýaşly Adam «Ärtogrul» atly türk köp bölümli filminde surata düşdi. Filmdäki Kadyrowyň surata düşen sahnasy onuň garyndaşy Turpal-Ali Ibragimowyň Instagramdaky hasabynda paýlaşyldy.
― Adam zehini bilen maşgalasyny guwandyrýar. Ol mekdepde hem göreldeli okaýar. Sport bilen hem yzygiderli meşgullanýar. Filmiň surata düşürilýän pursadynda ol reŽissýorlaryň hem uly öwgüsine mynasyp boldy ― diýip, Ibragimow Instagramdaky hasabynda Kadyrowyň oglunyň başarnygyny teswirläpdir. Onuň ýazşyna görä: «Adam Kadyrowlaryň maşgalasynyň mynasyp dowamaty».
Aýdylyşy ýaly, Kadyrowlaryň maşgalasy bu seriala uly gyzyklanma bilen tomaşa edýär. Çeçenistanyň ýolbaşçysy Türkiýä saparynyň çäginde filmiň surata düşürilýän ýerine hem baryp görüpdi.