Öz döwründe dünýäniň iň baý adamy hasaplanan Bil Geýtsiň sanawyň ikinji ornuna düşendiginden habaryňyz bardyr. CNN.com-uň ýazmagyna görä, «Maýkrosoftyň» esaslandyryjysy indi üçünji orunda. Onuň ornunyny fransiýaly Bernar Arnoga eýeledi.
LVMH kompanýasynyň baş direktory «Bloombergiň» ýakynda täzelän sanawynda Bil Geýtsden ýokarda görkezildi. Şeýlelikde, «Bloomberg» indeksiniň işläp gelýän 7 ýylynyň içinde ilkinji gezek Bil Geýts ilkinji ikilikden aşak düşdi.
Indeksde berilýän maglumatlara görä, Arnonyň şahsy baýlygy 108 millard dollara ýakyn. Bu bolsa onuň baýlygynyň bir ýylda ozalkysyndan 39 millard dollar artandygyny görkezýär. Bil Geýtsde bolsa häzir 107 milliard dollarlyk serişde bar. Ýöne gazetler Bil hem-de onuň aýaly Melinda Geýtsiň geçen ýyl 35 milliard dollar möçberindäki serişdäni haýyr-sahawata bagyşlandygyny hem ýazýarlar. Häzir bu sogaply işe serişde goýbermekde olaryň deňi-taýy ýok.