«Barselonanyň» hem-de Argentinanyň futbol boýunça milli ýygyndysynyň hüjümçisi Lionel Messi «France Football» tarapyndan 2019-njy ýylyň netijeleri boýunça «Altyn top» baýragyna mynasyp boldy. Şeýlelikde, Leo altynjy gezek bu abraýly baýraga mynasyp bolan ýeke-täk futbolçydyr.
32 ýaşly futbolçy ss berlişigiň netijesinde «Liwerpulyň» goragçysy Wirjil wan Deýki hem-de «Ýuwentusyň» portugal hüjümçisi Kriştianu Ronalduny yzda galdyrdy.
Messiniň sentýabr aýynyň ahyrynda FIFA tarapyndan 2018 ― 2019-njy ýyllaryň futbol möwsüminiň iň gowy futbolçysy hökmünde saýlanyp, «The Best» baýragyna hem mynasyp bolandygyny ýatladýarys.
Geçirilen ses berlişigiň netijesinde «Altyn topuň» ilkinji onlugy:
1. Lionel Messi (Argentina, «Barselona»)
2. Wirjil wan Deýk (Niderlandiýa, «Liwerpul»)
3. Kriştianu Ronaldu (Portugaliýa, «Ýuwentus»)
4. Sadio Mane (Senegal, «Liwerpul»)
5. Muhammad Salah (Müsür, «Liwerpul»)
6. Kilian Mbappe (Fransiýa PSŽ)
7. Alisson (Braziliýa, «Liwerpul»)
8. Robert Lewandowski (Polşa, «Bawariýa»)
9. Bernardo Silwa (Portugaliýa, «Mançester Siti»)
10. Riad Marez (AlŽir, «Mançester Siti»)
PariŽde geçirilen dabarada başga-da käbir ugurlar boýunça iň gowular yglan edildi:
«Ýylyň iň gowy zenan futbolçysy» – Megan Rapino (ABŞ)
«Ýylyň iň gowy derwezewany» (Lew Ýaşin baýragy) – Alisson Beker (Braziliýa, «Liwerpul»)
«21 ýaşa çenli iň gowy futbolçy» («Copa Trophy») – Matteýs de Ligt («Ðýaks»/«Ýuwentus», Niderlandlar).