Martyň ahyrky gününde tebigat Saud Arabystanyna garaşylmadyk sowgat bagyşlady: şol gün güneşli arap döwletinde howanyň derejesi 9 gardusa çenli sowap, ýurduň käbir ýerlerinde gar ýagdy. 31-nji mart güni Jabal al-Lawz daglarynda ýagyp başlan gar az salymdan Iordaniýa bilen serhetdeş etraplaryň ählisini örtdi. Elbetde, beýle howa ýagdaýy 31-nji mart ýaly baharyň ymykly ornaşan günleri üçin adaty bolmadyk ýagdaýdyr.
Saud Arabystanynda gyşyň orruk-ortasynda hem gar görmek kyn. Şonuň üçin hem ýurduň ýaşaýjylary 1-nji aprel güni gar görmek üçin topar-topar bolup onuň ýagan ýerlerine gitdiler. Gar görmäge höwesekler şeýle bir kän boldy welin, käbir ýollaryň ugrunda goşmaça gözegçilik üçin adam berkitmeli ýa-da dürli kömek beriji çäreleri geçirmeli boldy. Ýerli ýaşaýjylaryň käbiri bolsa ömründe ilkinji gezek gar görendigini hem gizlemedi.