Italýan hudoŽnigi Andrea Gandini öz şäherindäki agaçlary ajaýyp sungata öwürýär. Ýaňy bir 22 ýaşly heýkeltaraş Rimiň “Villa Pamphili” seýilgähindäki 66-a golaý ýatdan çykarylan agaçlaryndan owadan heýkelleri döretdi.
Gandini soňky ýyllarda hem uly hem-de kiçiräk töňňeleriň üstünde öz sungatyny döretmek üçin işleýär. Onuň jemgyýetçilik torlarynyň biri bolan “instagram”-daky sahypasynda agaçdan döreden bedewiň kellesiniň, eliň aýasynyň, dürli haýwanlaryň hem-de sportuň dzýudo görnüşi bilen meşgullanyp duran adamyň heýkelleriniň suratlaryny görmek bolýar.
Heýkeltaraş köp baglaryň üstünden ençeme ýyl geçenden soňra çapylyp aýrylýandygyna gynanyp, olardan dürli heýkelleri ýasamagy özüne maksat edinipdir. Köp agaçlaryň köki gowşak bolandygy üçin çalt guraýar. Agaçlaryň gurap, ýok bolup gitmegine gynanýan Gandini olary sungata öwrüp, köpçülige ýetirmegi köpleriň ünsüni çekdi.