Ýaponiýanyň daşky gurşawy goramak ministri – Ýaponiýanyň ozalky Premýer-ministri Koidzumi Dzýunitironyň ogly Koidzumi Sindziro ýanwar aýyndan dünýä injek ilkinji çagasyna seretmek üçin ýyllyk rugsadynyň bir bölegini almagy meýilleşdirýär. Bu barada Ýaponiýanyň “Kiodo” habarlar gullugy habar berýär. Ministriň erkek adamlaryň aýallary çaga dünýä indirenden soňra ilkinji günlerinde olaryň ýanynda bolmagy we olara kömek etmegiň gowudygyny öňe sürmek üçin şeýle başlangyjy öňe sürendigi mälim edilýär.
– Men Daşky guwşary goramak ministrliginiň işgärleriniň çekinmezden çaga seretmek üçin rugsat almagynyň tarapdarydyryn – diýip, ministr belledi.
Ministr Koidzumi çagasy dünýä inenden soňra 2 hepdeligine rugsada çykar. Ol öz işine päsgelçilik döretmezden, uzakdan işlerini gözegçilik etmek maksady bilen bu rugsadyny ulanmagy meýilleşdirýär.
Ýaponiýanyň kanunçylygynda çaga seretmek üçin ene-atanyň ikisine hem rugsada gitmäge mümkinçilik döredilendir. Ýöne erkekleriň örän az göterimi bu mümkinçilikden peýdalanýarlar.