Ispaniýanyň Şa Kubogy ugrundaky ýaryşda 17 ýyldan soňra milli çempionatyň öňdebaryjy toparlary «Barselona», “Real Madrid” hem-de “Atletika Madrid” ýarym final duşuşyklaryna gatnaşmakdan mahrum galdylar. Bu toparlar 2002-2003-nji möwsümden soňra ilkinji gezek abraýly kubok ýaryş ýeňlişe sezewar boldular.
“Atletiko” topary 1/16 final duşuşygynda “Kultural Leones” toparyny 1:2 hasabynda, “Barselona” topary 1/8 final duşuşygynda “Atletik” toparyna 0:1 hasabynda, “Real Madrid” topary hem 1/8 final duşuşygynda “Real Sosýedad” toparyna 3:4 hasabynda utuldy.
Şeýlelikde, “Barselona” topary bassyr 6 ýyldan bäri bu ýaryşda final tapgyryna çykýandygyna garamazdan, bu gezek ýeňilmek bilen boldy. Düzüminde Lionel Messi ýaly dünýäniň ökde oýunçysy bolan “Barselona” topary 2015-nji hem-de 2018-nji ýyllarda kubogyň final duşuşygynda ýeňlipdi.
Mundan başga-da, Ispaniýanyň iň güýçli iki topary hasaplanýan «Barselona» hem-de “Real Madrid” topary mundan ozal 1955-nji ýylda şol bir günde Kubok ýaryşynda ýeňlip, ýaryşdan galypdy. 65 ýyldan soňra bu ýagdaý täzeden gaýtalandy. Ýene-de bu iki topar bir günde kubok ýaryşynyň daşynda galdy.