«Tesla» kompaniýasynyň ortaça bahadan satylmaga niýetlenen «Model 3» kysymly elektrikli awtoulagy uzak garaşdyransoň, internet arkaly satylyp başlandy. Kompaniýadan berlen beýanata görä, onuň bahasy 35 müň dollar bolar. Müşderiler tölegi bir aýyň dowamynda bölekleýin geçirip bilerler.
Aslynda, «Model 3» üçin ilkinji sargytlar 2016-njy ýylda kabul edilipdi. Şol döwürde hem onuň bahasynyň ortaça 35 müň dollar boljakdygy aýdylýardy. Ýeri gelende aýtsak, iň pes bahaly «Model 3»-iň bahasy hem 10 müň dollardan geçýär.
Şeýlelikde, kompaniýanyň ýolbaşçysy Elon Maskyň köpçülige niýetlenilýän elektrikli ulag öndürmek taslamasy durmuşa geçip başlady. Şol bir wagtyň özünde-de özara söwdalarda bahanyň ýokar galdyrylmazlygy üçin «Model 3»-iň söwdasy diňe internet arkaly amala aşyrylýar.
Ulagyň adaty görnüşi, bir gezek doly zarýadlanma bilen 350 kilometr ýoly geçip bilýär. Bu netije heniz «Teslanyň» beýleki bäsdeşleriniňkiden pesdir. Ulagyň iň ýokary tizligi bolsa sagatda 208 kilometrdir.