GENERAL

Sözümi alsaň

Bilýändirin diýip bilmekden gaçma,

Nesihatym köpdür sözümi alsaň,

Düşünseň zer sözüň deňinden geçme,

Peýdasy köp bolar dur gulak salsaň.

                        

Parasatdyr, paýhas, serde jemlener,

Duýgy, göwün şatlyk janda jem bolar,

Çalşyrsaň düşünjäň ösmez kem bolar,

Pikir hemmesinden wajyby bilseň.

 

Ulyny sylagyn, ejize degme,

Baýlygna ymtylyp, näkesi öwme,

Haka dileg eýle, duşmana sögme,

Çeniňi aragyn, aglasaň, gülseň.

 

Namalaryň aýra goýmagyn çyndan,

Jümläň gözbaşyny döretgin çuňdan,

Sözlän setirleriň çyksyn kalbyňdan,

Bendi mana ýugur, akylly bolsaň.

 

Mert bolgun her işde ýeňilme gamdan,

Jomart bolup dönme nepli gadamdan,

Asylly bol, öwren dana adamdan,

Zähmetsöýer bolgun, ne käri kylsaň.

 

Şahyr aýdar, sözdür göwnüň dermany,

Köňlüňi açyk kyl, dost bil wyŽdany,

Pyglyň dürs tut, goýma serde dumany,

Ynsaby ýaran et, imana gelseň.

 

Döwletniýazow Rejepberdi

Balkan welaýatynyň Balkanabat şäheri

Bäsleşik barada giňişleýin maglumat üçin

Awtorlar Ýeňijini Kesgitleýär :”Ata Watan Eserleri” bäsleşigi

https://www.atavatan-turkmenistan.com/tu/news_details.php?news_id=NDM3Mw==

“ Ata Watan Eserleri” döredijilik bäsleşigi : RedMi 7A Size garaşýar!

https://www.atavatan-turkmenistan.com/tk/news_details.php?news_id=NDIyMw==

Ýene-de okaň

Turkmenistan Prepares for UN Conference on Landlocked Developing Countries: National Leader Inspects Awaza’s Readiness Turkmenistan Prepares for UN Conference on Landlocked Developing Countries

Turkmenistan delegation took part in the UN High-Level Meeting on Regional Zones of Peace

Telephone conversation between heads of foreign policy agencies of Turkmenistan and the European Union

Ambassador of Turkmenistan Receives European Investment Bank Delegation in Brussels

Turkmenistan to Construct Three Vessels With Support From IDB, OPEC

Turkmenistan’s President Extends Condolences to Trump Following Texas Floods