Bäş geçiniñ yzynda. ( degişme )

Bütin maşgala esger,
Bäş geçiniñ yzynda.
Uzakly gün dökýäs der,
Bäş geçiniñ yzynda.

Aýlan şahy döwülmiş,
Gözlegi ekin bolmuş,
Salkynda ýüz ylgamyş,
Bäş geçiniñ yzynda.

Bäşisi hem ekinçi,
Biri – birinden öňçi,
Bolup ýörşümiz jarçy,
Bäş geçiniñ yzynda.

Sähel ünsüňi bölseň,
Terse nazaryň salsaň,
Ýetmesi kyn ylgasaň,
Bäş geçiniň yzynda.

Gulak asmaz ur ýa sög,
Çopan bolan bolmaz sag,
Bir ýylda bolar näsag,
Bäş geçiniň yzynda.

Eýesi habar almaz,
Ýagdaýyň neneň bilmez,
Aslynda özi gezmez,
Bäş geçiniñ yzynda.

Ýigit sizden bez bolup,
Nälaç bakýa ýÅ±z salyp,
Çopan taýagyn alyp,
Bäş geçiniň yzynda.

Mustapa Welläýew

Bäsleşik barada giňişleýin maglumat üçin

Awtorlar Ýeňijini Kesgitleýär :”Ata Watan Eserleri” bäsleşigi