2022-nji ýylyň 3-nji ýanwarynda käbir habar beriş serişdelerinde türkmen-owgan serhedindäki ýagdaý boýunça barlanylmadyk we hakykata laýyk gelmeýän maglumatlar peýda boldy. Bu barada Türkmenistanyň Owganystandaky ilçihanasy resmi saýtynda habar berildi.
Ilçihananyň resmi saýtynda berlen maglumata görä, Türkmenistan öz Bitaraplyk hukuk derejesine laýyklykda, Owganystan bilen hoşniýetli goňşuçylyk gatnaşyklaryny saklaýar we türkmen-owgan serhedi dostluk serhedi bolup durýar.
Türkmen-owgan serhediniň asudalygyny gorap saklamak boýunça owgan tarapy bilen ylalaşykly hereketler yzygider esasda alnyp barylýar.