Türkiýe Respublikasynyň Prezidenti Rejep Taýyp Ärdogan Müsürp Arap Respublikasynda resmi saparda boldy. Bu sapar türk lideriniň 12 ýyldan soňra Müsüre amala aşyran resmi sapary boldy. Mundan ozal, Ärdogan soňky gezek 2012-nji ýylda bu ýurtda saparda bolupdyr.
Iki ýurduň arasyndaky diplomatik gatnaşyklaryň täzeden has-da pugtalanmagyna itergi beren saparyň çäklerinde ýokary derejeli strategik hyzmatdaşlyk geňeşiniň mejlislerini täzeden ýola goýmak babatda bilelikdäki beýannama gol çekildi.
Türkiýäniň Prezidenti Ärdogany Müsür Arap Respublikasynyň Prezidenti Abdul-Fattah as-Sisi howa menzilinde garşylady. Soňra saparyň çäklerinde ikiçäk duşuşyklar geçirildi.