ABŞ-nyň Prezidenti Donald Tramp özüniň ikinji prezidentlik döwrüniň birinji daşary ýurt saparyny Saud Arabystanyna amala aşyrar.
– Bu sapar belki aprelde, belki-de has soňrak bolar – diýip, Tramp Ak Tamda žurnalistler bilen geçiren duşuşygynda Saud Arabystanyna amala aşyrjak sapary barada belläp geçdi.
Amerikanyň Prezidenti şol bir wagtda Katar we ýene-de birnäçe döwletde saparda bolmagy meýilleşdirýändigini aýtdy.
ABŞ-nyň 47-nji Prezidenti Donald Tramp Ýakyn Gündogar döwletleri bilen oňat gatnaşyklaryň bardygyny belläp, Saud Arabystanynyň ýolbaşçylygy ABŞ-a 1 trillion dollar möçberinde maýa goýmaga taýýardygyny belläp, munuň Amerikanyň kompaniýalary üçin oňat mümkinçilik boljakdygyny belläp geçdi.
Amerikanyň metbugaty Trampyň ilkinji saparynyň maý aýynda bolmagyna garaşýar.