Saud Arabystany Ýakyn Gündogaryň çäginde milliardlarça agaç ekmegi meýilleşdirýär.
Report agentliginiň habar bermegine görä, bu barada “Quality of Life Program Center” merkeziniň wekili Abdullah J. Alharbi Bakuda geçirilýän Şäherleriň Bütindünýä forumynyň (WUF13) çäginde geçirilen plenar mejlisinde belläp geçdi.
Onuň bellemegine görä, 2021-nji ýylda işe girizilen “Saudi Green Initiative” maksatnamasynyň çäginde eýýäm 151 milliondan gowrak agaç ekildi.
“Biz Ýakyn Gündogaryň ähli ýerinde milliardlarça agaç ekmegi meýilleşdirýäris” diýip, Alharbi aýtdy.
Ol ýaşyl giňişlikleriň ösdürilmeginiň ilatyň durmuş hilini ýokarlandyrmaga hem-de şäherleriň howa üýtgemelerine garşy durnuklylygyny güýçlendirmäge ýardam edýändigini nygtady.
“Eger ösüşiň we özgertmeleriň merkezinde adamlar duran bolsa, onda ekologik artykmaçlyklar öz-özünden emele geler” diýip, Saud Arabystanynyň wekili aýtdy.