UEFA-nyň ozalky prezidenti Mişel Platini ýene-de uly futbolyň dolandyryş edaralaryna gaýdyp geldi. Ol Profesional futbolçylar assosiasiýasynyň halkara federasiýasynyň (FIFPro) prezidenti Filipp Piaganyň maslahatçysy bolup işläp başlady.
UEFA-nyň prezidenti wezipesinden 2015-nji ýylda aýrylan Mişel Platinä 8 ýylyň dowamynda futbola degişli edaralarda işlemek gadagan edilipdi. Ýöne soňra bu çözgüt dört ýyla çenli azaldyldy. Şeýlelikde, geçen ýylyň güýzünde Platininiň möhleti doldy. Ol indi futbol jemgyýetçiliginiň iň uly guramalarynyň biriniň ýolbaşçysyna maslahatçy bolup işleýär.