30-njy ýanwarda Türkmenistanyň Prezidenti ýokanç keselleriň öňüni almak boýunça iş maslahatyny geçirdi. Iş maslahaty Ministrler Kabinetiniň Başlygynyň orunbasarlary, paýtagtymyzyň we welaýatlarynyň häkimleriniň, harby we hukuk goraýjy edaralaryň, käbir degişli ministrlikleriniň we pudaklaýyn dolandyryş edaralarynyň ýolbaşçylary hem-de Türkmenistanyň Keselleriň ýaýramagyna garşy göreşýän adatdan daşary toparynyň agzalarynyň gatnaşmagynda geçirildi. Maslahatyň dowamynda esasan arassaçylyk ýagdaýyny saklamak, keselleriň öňüni almak hem-de ilata edilýän lukmançylyk hyzmatyny mundan beýläk-de kämilleşdirmäge gönükdirlen anyk çäreleri işläp taýýarlamak barada meselelere garaldy. Şeýle hem ýüze çykýan ýokanç keselleriň, dümewiň ýaýramagyna gözegçilik boýunça maksatnamany işläp taýýarlamaga degişli wezipeler ara alnyp maslahatlaşyldy. Giň gerimli we maksadalaýyk işleriň geçirilmegi netijesinde ýurdumyzda howply ýokanç keselleriň ýaýramagynyň öňüni almak babatda netijeli işleriň alnyp barylýandygynyň subutnamasydyr.
Ýokanç keselleriň öňüni almak boýunça işler
