Eýranyň hökümeti milli walýuta bolan realdan 4 sany nuly aýryp taşlamakçy. Hökümet bu çäräni puluň hümmetsizlenmeginiň öňüni almak maksady bilen geçirýär.
Eýranyň hökümetiniň metbugat kätibi Ali Rabiniň aýtmagyna görä, bu çäre indiki ýylyň 1-nji ýanwaryndan geçiriler. Puluň hümmetsizlenmeginiň öňüni almak boýunça Eýran şeýle çäreleriň ozal hem birnäçesini geçiripdi. Ýöne olardan garaşylan netije çymady. Tersine, 2015-nji ýylda Eýranda 1 dollar 32 müň reala deň bolan bolsa, häzir onuň gymmaty 120 müň reala çenli baryp ýetdi.
Hökümetiň täze çäresiniň bu ýagdaýlaryň öňüni almagyna garaşylýar.