GENEL

Bolliwudyň muzeýi

Bolliwud filmleri indi bir asyrdan gowrak wagt bäri bütin dünýäni özüne maýyl edip gelýär. Gör näçämiz, meşhur hindi aktýorlary ýaly «gahryman» bolmak höwesi bilen ulaldyk. Ýöne şeýle dünýä meşhur kino şäherçesiniň ilkinji muzeýiniň gelip-gelip 2019-njy ýylda açylmagy juda täsin. Bolliwud, aslynda, beýle muzeýe has öň mynasyp. Şeýle-de bolsa, onuň kino muzeýi  hut birki günlükde açyldy.

Aslynda, Bolliwudyň muzeýini döretmek baradaky taslamanyň başlangyjy 2006-njy ýyla degişli. Ol 8 ýyl soňra, 2014-nji ýylda açylmalydy. Ýöne muzeýiň binalar toplumyna ýene bir ganaty goşmak makul görüldi we gurluşyk dowam etdi.

Bir asyrlyk beýik taryhy özünde jemlejek muzeýiň gurluşygy üçin 1,4 milliard hindi rupiýasy sarp edildi. Muzeýde meşhur hindi filmlerinden galan miraslardan başlap, filmi surata düşürmekde gerek bolan ähli enjamlaryň nusgalary bar. Fransuz doganlar Lumirleriň ulanan «Mutiscope» kysymly ilkinji surata düşüriji kameralarynyň nusgalaryny hem bu ýerde görmek mümkin. Hindistanyň meşhur liderleriniň biri Mhatma Gandiniň hindi filmlerini dünýä ýaýmakdaky hyzmatlaryna hem ýörite bölüm bagyşlanypdyr.

Mumbaý şäheriniň iň gözel künjekleriniň birinde ýerleşýän Bolliwud ― film şäherçesi häzirki wagtda önümçilikde ABŞ-daky Golliwuddan hem öňe geçdi. Diňe şu ýerde her ýylda 1,5 müň film surata düşürilýär.

Ýene-de okaň

Türkmenistan ve Kazakistan Dışişleri Bakanları ikili gündem konularını görüştü

Türkmen Halkının Milli Lideri António Guterres ile telefonda görüştü

Türkmen Halkının Milli Lideri: Türkmenistan BM’nin Güvenilir Ortağı ve Fikri Yoldaşı

Türkmenistan ve Hollanda, ikili işbirliğini güçlendiriyor

QazaqGaz ve ADNOC, Türkmenistan’daki ortak gaz arama projelerini görüştü

Galkınış binicilik grubu, Monako’daki sirk festivalinde sahne alacak