Ispaniýanyň futbol çempionatynda “El klasiko” hökmünde dünýä belli bolan “Barselona” topary bilen “Real Madrid” toparynyň arasyndaky 10-njy tapgyryň yza süýşürilen duşuşygy 18-nji dekabrda geçirildi. Onda 17 ýylyň dowamynda ilkinji gezek hasap açylmady.
“Barselona”-nyň “Kamp Nou” stadionynda geçirilen duşuşyga 93 müň 426 futbol janköýeri tomaşa etdi.
Bu duşuşygyň ýatda galan maglumatlary:
– “Real Madrid” toparynyň kapitany Serhio Ramos “Barselona” garşy 43-nji duşuşygyny oýnady. Bu ugurda rekord oňa degişlidir.
– “Barselonan”-yň kapitany Lionel Messiniň “El Klasikoda” geçiren duşuşyklarynyň sany 42-ä deňdir. Ol bu ugurda ikinji orny eýeleýär.
– Duşuşygyň dowamynda “Barselona”-nyň futbolçylary 5 gezek oýnuň düzgünini bozdular we eminden 3 sary duýduryş aldylar.
– “Real Madrid” bilen “Barselona” 242-nji gezek resmi duşuşygyny geçirdi.
– Bu duşuşyklarda “Barselona” 95 gezek ýeňiş gazandy.
– “Real” hem 95 gezek ýeňiş gazandy.
– olaryň arasyndaky 52 duşuşyk deňme-deň tamamlandy.
– Ispaniýanyň çempionatynda bu iki topar 179 gezek duşuşdy.
– “Barselona” 72 gezek ýeňiş gazandy.
– “Real” hem 72 gezek ýeňipdir.
– Olaryň arasyndaky 35 duşuşyk deňme-deň tamamlandy.
– “Real Madrid” ähli ýaryşlarda 7 duşuşykdan bäri “Barselona”-ny ýeňip bilmeýär. 7 duşuşygyň 3-i deňme-deň tamamlandy, 4-inde “Barselona” ýeňdi.
– “Real Madrid” iň soňky gezek “Barselona”-ny 2017-nji ýylyň 17-nji awgustynda Ispaniýanyň Super kubogynda 2:0 hasabynda utupdy.
– “Real Madrid” bilen “Barselona”-nyň arasyndaky duşuşyk iň soňky gezek 2002-nji ýylyň noýabrynda 0:0 deňme-deň gutarypdy. Şol duşuşyk hem “Barselona”-nyň meýdançasynda oýnalypdy.
– Häzirki wagtda bu iki topar Ispaniýanyň çempionatynda 17-nji tapgyryň ahyrynda 36 bal toplap, birinji orny paýlaşýarlar.