Hytaýyň “Sinhua” habarlar agentliginiň habar bermegine görä, 2019-njy ýylda 47,9 milliard kubmetrden gowrak tebigy gaz üstaşyr gaz geçirijileriň üsti bilen Merkezi Aziýadan Hytaýa gönükdirildi. Onuň esasy bölegi bolsa Türkmenistanyň paýyna düşýär.
2009-njy ýylyň dekabr aýynda gurlan Türkmenistan-Özbegistan-Gazagystan-Hytaý gaz geçirijisi arkaly häzirki güne çenli 300 milliard kubmetrden gowrak tebigy gazy Hytaý Halk Respublikasyna ugradyldy. Bu görkezilen möçberiň 80%-den gowragy bolsa Türkmenistan tarapyndan amala aşyryldy. Iki döwletiň arasyndaky ylalaşyklara görä, Merkezi Aziýadan Hytaýa 4-nji gaz geçirjisi şahasynyň gurulmagy bilen Türkmenistandan Hytaýa eksport edilýän tebigy gazyň möçberi her ýylda 65 milliard kubmetre çenli artar.