“Counterpoint Research” kompaniýasynyň hünärmenleriniň geçiren barlaglarynyň netijesinde, dünýäniň iň meşhur hem-de geçginli 10 ykjam telefonlary kesgitlendi. Tamamlanyp barýan ýylyň üçünji çärýeginde iň meşhur telefon derejesine “Apple” kompaniýasynyň belli “iPhone XR” smartfony eýe boldy. Onuň söwdasy 3 göterim artdy.
Bu sanawda ikinji we üçünji orunlary degişlilikde Günorta Koreýanyň “Samsung” kompaniýasynyň “Samsung Galaxy A10” hem-de “Samsung Galaxy A50” telefonlary eýeledi. Olary hem telefon söwda bazarynyň 2,6 hem-de 1,9 göterimini tutýar.
Ilkinji onluga “Oppo A9”, “iPhone 11”, “Oppo A5s”, “Samsung Galaxy A20”, “Oppo A5”, şeýle hem Hytaýyň “Xiaomi Redmi A7” hem-de “Huawei P30” girdi. Sanawdaky ilkinji onlukdaky telefonlar tutuş dünýä bazaryndaky telefon söwdasynyň 17 göterimini eýeleýär.