Köwata gowagy ýerasty kölli bolup, ol Türkmenistanyň paýtagty Aşgabatdan 90 km günbatarda, Ahal welaýatynyň Bäherden etrabynda ýerleşýär.
Gowagyň töründe, esasy girelgeden 60 m aşakda, uzynlygy 72 m, giňligi 30 m, meýdany 108 inedördül m we ortaça çuňlugy 10 m bolan gowşak minerallaşan kükürt wodorodly köl ýerleşýär. Suwyn Temperaturasy ýylyň ähli paslynda +34 +37 gradus ýylylykda. Köwata gowagy Türkmenistanyň Gyzyl kitabyna girizilen görnüşiniň ýarganatlaryň uly toparynyň ýaşaýan ýeri hökmünde hem meşhurdyr. Zyýanly mör-möjekleri ýok etmekde olaryň ähmiýeti örän ulydyr.
Köwata gowagynyň düýbi gümmezinden gaçýan hek daşlar bilen örtülen, hek daşlaryna kükürtli suwlaryň edýän täsirleri netijesinde himiki täsirleşmeler şu wagt hem geçip dur. Ylmy barlaglaryň tassyklamagyna görä, ýerasty kölüniň suwy ynsan saglygyny berkitmekde örän täsirlidir. Biz “Atavatan Türkmenistan” halkara žurnalynyň www.atavatan-turkmenistan.com saýty hökmünde bu täsin ýere gidip, Siziň üçin şu habary taýýarladyk.
Gowagyň girişinde ýer alýan maglumatlary Siziň dykgatyňyza ýetirýäris
Suwuň düzümi.
Suwuň düzüminde himiki elementleriň 38-görnüşi – kükürt,hlor, sulfat, magni, kali, natriii we.ş.m.bar.
Kesel bejeriş häsiýetleri.
Deri kesellerini (gijilewük, endamdaky döreýän dürli ýaralara), gury agra, sowuklama, böwrek keselleri, merkezi nerw ulgamynyň işleýşini kadalaşdyrýar.
Gowakda jemi bolmaly wagty. 45 minut bellenilen. Suwa düşülýän wagty 20 minut maslahat berilýär.
Gowagyň ölçegleri.
Jemi uzynlygy -250 metr
Çuňlygy -55 metr
Ini – 25-50 metr
Beýikligi -15-26 metr
Meýdany -6300 m2
Göwrümi -75000 m3
Kölüň ölçegi
Jemi uzynlygy -75 metr
Çuňlygy -14 metr
Ini -14-23 metr
Meýdany -1050 m2
Göwrümi -6500 m3
Gowaga gireňde gadagan edilýän zatlar.
Içgili ýagdaýda girmek.
Ýürekleri şikesliler.
Ganbasyşy näsaz işleýänler.
Ýanyň bilen iýilýän-içilýän zatlary we çüşeli gaplary alyp girmek.
Gowakda gaty gygyrmak.
Gowakda çilim çekmek.
Gowakda nejasat etmek we hapalamak.
Ýanyň bilen partlaýjy zatlary alyp gowaga girmek.
Suwa gireniňde daşyň üstüne çykyp suwa bökmek.
Bulary hem okaň
Telekeçilere goldaw: Telekeçilik işiňizi tölegsiz tanyşdyryň
Hususy kärhana:bellige almak uçin gerekli resminamalar
Hojalyk Jemgyýetini bellige almak üçin gerekli resminamalar
Täze Applikasiýa: Ata Watan Türkmenistan
Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy
Dünýäde bolup geçýän wakalardan habarly bolmak-bu döwrüň talaby!
