Üstünligiň syry nämede?

Muny bilmek üçin ilki bilen üstünligiň nämedigine we nähili  düşünjä uýýandygyna akyl  ýetirmeli bolýar. Aslynda  üstünlik  sözüniň “üstün” sözünden  düzülendigini nazara alsak, eger şeýle bolsa “üstün çykmak ” has  dogrusy “ýeňiş gazanmak, ýeňiji bolmak, ökde  gelmek “diýen manyny  berýär . Onda  üstünlik – bu durmuşdaky öz ýoluňda, öňüňde goýan  beýik maksadyňa, arzuwyňa  ýetmek üçin ädilen ilkinji we iň dogry, ynamly ädimiň bolup hyzmat  edýän  başarnykly hereketleriň aýdyň ýeňişli netijesidir .Haçan-da üstünlik ynsanyň yhlasynyň, güýjüniň we başarnygynyň, çeken zähmetiniň ygtybarly daýanjyna öwrülende adam özüniň öňünde goýan  maksady  sary dogry ýoldan barýandygyna göz ýetirip biler. Şübhesiz , siz dogry  ýoldan barýansyňyz….Edil şu ýerde “Eýsem üstünligi ýetmek üçin näme etmeli ” diýen sorag ýüze çykýar. Biz muňa-da jogap  taparys.

Aýdaly, biz durmuşy basgançak mysalynda göz öňümize getirsek, onda münmek üçin ätmegimiz zerur.Ýõne bir ätmek däl, özüňe bolan ynam bilen yhlasly hem başarnykly edilen hereket bizi basgançakdan-basgançaga elter.Diňe şonda bu ýolda erjelli, maksada okgunly, yhlasly, zähmetsöýer bolmalydygyna düşünersiň .

Ernest Hemingueý şeýle diýýär:”Adamlar hemişe bagta barýan gysgajyk ýoly gözleýärler. Beýle ýol ýok. Bir zady islemek bilen oňa ýetmegiň başga-başga zatdygyna akyl ýetireninde adam paýhaslanýar”. Hakykatdan-da şeýle. Islemek ýa arzuw etmek bilen iş bitenok. Eger çyn ýürekden isleýän bolsak, onda maksat sary barýan ýolda göreşmeli hem bolýar. Türkmenlerde şeýleräk bir aýtgy bar:”Çekilmez dert bolmaz, ýykylmaz-mert”. Elbetde. “Men başarmaryn” diýen sussupesligi öňe sürüp, başarnyksyz, ynamsyz ýoluň ýarsynda dursak, üstünlik bizi terk etmek bilen birlikde ýeňilendigimizi hem  alamatlandyrmazmy eýsem. Tersine, özüňe bolan ynam bilen aýgytly hereket edip, “Çynymy etsem men muny hökman başararyn” diýen düşünjäni beýnimize guýup, ony özümiziň baş şygarymyza öwrüp ahyra çen saklasak, biz islendik böwedi böwsüp bilmerismi? Şu sowaly özüňize berip  görüň we beýniňizde aýlaň. Jogap  tapdyňyzmy? Diýmek ýeňiş siziňki.

Emma bular ýeterlik  bolarmy? Ýok. Durmuşda , okuwda , işde tapawudy ýok üstünlik babatda öz maksadyň eýesi bolmak üçin irginsiz zähmet çekmeli. Sebäbi tüssesiz oduň, kötelsiz ýoluň bolmaýşy ýaly azapsyz ýeňiş hem ýokdur. Aňsatlyk bilen gazanylan üstünligiň bolsa  möhleti gysga bolýandyr. Diňe hakyky hem kynçylykly zähmetiň miwesi  datlydyr. Özüňi zähmetden halas etmek bolsa jenaýatdyr diýilýär. Çünki ähli  üstünlikleriň başynda zähmet bar. Irginsiz çekilen zähmet hiç wagt hem sylagsyz goýýan däldir. Hut şunuň üçin hem öwrenmegimiz, bilmegimiz derkar. Bilmek üçin köp  okamaly. Eýsem  aýdylyşy ýaly bize berilen ömrüň maksady hem  ahyrky nokada çenli öwrenmek dälmi?

Dünýä belli tanymallaryň ýeten sepgitleridir gazanan üstünlikleri hemmämizi buýsandyrýan bolsa gerek. Şonuň bilen bir hatarda haýran galýandygy hem  ikuçsyzdyr. Görnükli rus ýazyjysy Lew Nikolaýewiç Tolstoý öz ýazgylarynyň birinde:”Ýaşaýyşyň mazmunynyň iň gysga kesgitlemesi – dünýä hereket edýär, dünýä kämilleşýär; adamyň wezipesi – bu herekete goşulmakdyr.” diýip örän  ýerlikli belläp geçýär. Dogrudan-da dünýä bilen  kämilleşmek üçin  dünýä bilen  deň ädim ätmeli. Şu sözlerden şeýle netijä gelse bolar. Üstünligiň syry hem şunda. Hereket. Ynamly hem başarnykly hereket. Işjeňlik, yhlaslylyk, höweslilik, pikirlenmek ukyby bularyň bar üstünligiň syry bolup biler, ýöne bir zady bellemek gerek. Her bir edilen hereketiň arkasynda çekilen irginsiz zähmetiň miwesi, maksada okgunlylygyň, başarnygyň we erjelligiň netijesi, ynamyň hem yhlasyň subutnamasy bolan üstünlik ýatandyr.

Aslynda  parahat ,asuda ýurtda, bagtly  durmuşda ýaşaýandygymyz  biziň  iň uly üstünligimizdir. Her bir ýetilen üstünlik bize bagt eçilmek bilen çäklenmän, eýsem geljege ruhlandyrýar. Durmuşa we ýaşaýyşa bolan höwesiň has-da artýar. Şunlukda , ruhlanan ýürek bilen biz ýene täze -täze maksatlar sary ýol alarys. Munda bize üstünliklerden boý alan geljek garaşýar.

Onda näme edil şu wagt, şu pursatdan hereket edip başlaň. Wagt ýitirmäň, geçilen wagt dolanýan däldir. Diňe öňe ymtylyň. Ana şonda, üstünlik siziň hemişelik hemraňyza öwrüler.

Gözel Umarowa,

Lebap welaýatynyň Darganata etrabynyň Gazojak şäheri.

 

Related posts

European Culture Days in Ashgabat: Celebrating Jazz Music and Cultural Exchange

Turkmenistan Appoints Ambassador to Egypt

Ambassador of Turkmenistan Attends Celebrations Marking Monaco’s National Day

Ambassador of Turkmenistan meets with the Minister for Foreign Affairs and Cooperation of the Principality of Monaco

Ata Watan Eserleri

Gurbanguly Berdimuhamedov and Valentina Matviyenko discuss prospects for Turkmen-Russian cooperation in Awaza

Mejlis of Turkmenistan granted observer status in the CIS Interparliamentary Assembly

Turkmen Ambassador delivers lecture to Dutch students on neutrality, culture and international cooperation

Azerbaijan, Turkmenistan discuss expanding interparliamentary cooperation

Take Your Seat at the Ultimate Showdown Between Four Spanish Football Giants Turkish Airlines Spanish Super Cup in İstanbul: Ticket Sales Have Started

Ata Watan Eserleri

Turkmenistan Presents National Action Plan for the Year of International Law

Turkmenistan’s new strategy – industrial diplomacy

Turkmenistan aims to creating up to 50,000 new jobs

Speaker of Milli Majlis Sahiba Gafarova arrives in Turkmenistan on a working visit

Pakistan, Turkmenistan agree to deepen cooperation in energy

UNDP and the Supreme Court of Turkmenistan Present Roadmap for the Digital Transformation of the Judicial System for 2027–2032

Pakistan Proposes Direct Flights to Ashgabat to Boost Bilateral Trade

THE FIRST NATIONWIDE MICHELIN GUIDE TÜRKİYE SELECTION WILL BE REVEALED ON DECEMBER 3, 2026

Turkmenistan’s Textile Industry Takes the European Stage: FAST TEXTILE 2026 in Poland

Pakistan, Turkmenistan sign MoU on tourism cooperation

Deputy Secretary Landau’s travel to Turkmenistan