2019-njy ýylyň jemlerine bagyşlanan Ministrler Kabinetiniň giňişleýin mejlisinde guramaçylyk wezipelerine hem seredildi. Türkmenistanyň Prezidenti ýolbaşçylary wezipä bellemek we wezipeden boşatmak barada birnäçe Permanlara gol çekdi.
MINISTRLER KABINETINI√Ö‚İ BAşLYGYNY√Ö‚İ ORUNBASARLARY BOÝUNÇA
Ministrler Kabinetiniň Başlygynyň orunbasarlary derejesinde birnäçe üýtgetmeler girizildi.
- Maliýe we ykdysadyýet toplumyna gözegçilik edýän Goçmyrat Myradow başga işe geçmegi sebäpli Türkmenistanyň Ministrler Kabinetiniň Başlygynyň orunbasary wezipesinden boşadyldy.
- Türkmenistanyň Ýokary gözegçilik edarasynyň başlygy wezipesinde işlän Gadyrgeldi Müşşikow Ministrler Kabinetiniň Başlygynyň ykdysadyýet we maliýe ulgamlaryna gözegçilik edýän orunbasary wezipesine bellenildi.
- Ministrler Kabinetinde senagat toplumy, ulag we kommunikasiýa toplumyndan aýryldy.
- Ministrler Kabinetiniň Başlygynyň orunbasary Baýramgeldi Öwezow ulag we kommunikasiýa toplumynyň ýolbaşçysy wezipesine bellendi.
- Ministrler Kabinetiniň Başlygynyň gurluşyk we senagat toplumyna gözegçilik edýän orunbasary wezipesine şamuhammet Durdylyýew bellendi we ol Aşgabat şäheriniň häkimi wezipesinden boşadyldy.
MINISTRLIKLER WE PUDAKLAÝYN EDARALAR BOÝUNÇA
- Türkmenistanyň Ýokary gözegçilik edarasynyň başlygy wezipesine şol edaranyň başlygynyň orunbasary bolup işlän Durdyly Durdylyýew bellendi.
- Çarymyrat Purçekow Türkmenistanyň energetika ministri wezipesine bellenip, Türkmenistanyň Ministrler Kabinetiniň Başlygynyň orunbasary wezipesinden boşadyldy.
- Täze döredilen Senagat we gurluşyk önümçiligi ministri wezipesine Serdar Berdimuhamedow bellendi we ol Ahal welaýatynyň häkimi wezipesinden boşadyldy.
- Ezizgeldi Annamuhammedow Türkmenistanyň Maliýe we ykdysadyýet ministri wezipesine bellendi.
- Rahym Gandymow Türkmenistanyň Gurluşyk we binagärlik ministri wezipesine bellendi.
- Täzeden döredilen “Türkmenhaly” döwlet birleşiginiň başlygy wezipesine Ogulhajat Işangulyýewa bellendi we ol Türkmenistanyň Dokma senagaty ministriniň orunbasary wezipesindne boşadyldy.
- Güzgeldi Baýjanow Türkmenistanyň Suw hojalyk döwlet komitetiniň başlygy wezipesine bellendi.
- G.Baýgeldiýew Türkmenistanyň “Türkmennebit” döwlet konserniniň başlygy wezipesine bellendi we ol şol edaranyň başlygynyň orunbasary wezipesinden boşadyldy.
HÄKIMLER BOÝUNÇA
- Balkan welaýatynyň häkimi Ýaztagan Gylyjow Aşgabat şäheriniň häkimi wezipesine bellendi.
- Lebap welaýatynyň häkimi Taňryguly Atahallyýew Balkan welaýatynyň häkimi wezipesine bellendi.
- şöhrat Amangeldiýew Lebap welaýatynyň häkimi wezipesine bellendi.
- Ýazmuhammet Gurbanow Ahal welaýatynyň häkimi wezipesine bellendi.