Amerikanyň Birleşen Ştatlarynyň Kolorada ştatynda iýun aýynda ýagan garyň galyňlygy ýarym metrden geçdi diýip, «Forum Daily» neşiri habar berýär.
Habarda aýdylyşyna görä, 21-nji iýunda deňiz derejesinden, takmynan, 2 müň metr belentlikdäki Stimbot şypahanasynda garyň galyňlygy 20 santimetre çenli ýetdi. Denwer şäherinden, takmynan, 250 kilometrlik demirgazyk-günbatarda ýerleşýän şypahanada we onuň golaýynda ýagan gar «Tomusky gar» diýlip atlandyryldy.
Bu sebitlerdäki garly howa 23-nji iýundan bäri dowam edýär. Habaryň iň gyzykly tarapy, bu ýerde tomus paslynda iň soňky gar 90 ýyl mundan ozal ýagan eken.