Şugün paýtagtymyzda “Türkmenistanyň Nebiti we Gazy – 2019” atly 24-nji halkara maslahaty mynasybetli sergi geçirildi. Biz hem şol sergä gatnaşyp birnäçe kompaniýanyň wekili bilen söhbetdeşlik geçirdik. Ilkinji söhbetdeşimiz “Rönesans endüstri tesisleri” şereketiniň işgäri Maksat Garaýew bize şeýle gürrüň berdi :
-Biziň bu şereketimiz 1993-nji ýyldan bäri işläp gelýär. Jemi 20-den gowrak döwletlerde maýa goýum we gurlyşyk taslamalary amala aşyrdyk. Türkmenistanda hem onlarça taslamanyň durmuşa geçirilmegine gatnaşdyk. Şu ýyl gurlup, ullanmaga berlen, ekologiýa taýdan arassa ECO-93 benzini öndürýän Ahaldaky gazdan benzin öndürýän zawodyň gurluşygyna kompaniýamyz hem gatnaşdy. Häzirki wagtda bolsa, ýurdumyzyň Lebap welaýatynda “Zerger” gazturbina elektrostansiýasyny gurluşygyny amala aşyrýarys. Şeýle hem, Aşgabat şäherinde döwrabap myhmanhananyň gurluşygy dowam edýär. Mundan öňem biz öz şereketimiz bilen Türkmenistanda geçirilen birnäçe sergilere uly höwes bilen gatnaşýarys we çykyş edip gelýäris.